Өнөөдрийн байдлаар Монгол Улсын нийслэл Улаанбаатар хотод авто замын шинэчлэлд 150 тэрбум төгрөг шаардлагатай байгаа талаар мэдээлэл гарсан байна. Энэ онд нийт авто замын 70 гаруй хувийг шинэчлэхээр төлөвлөсөн бөгөөд одоогоор 30 гаруй хувьтай үргэлжилж байна. Ирэх 11 дүгээр сар хүртэл 65 байршилд авто замыг шинэчлэх ажлууд хийгдэх юм. Эдгээр ажлууд нь авто замын хүртээмжтэй байдлыг нэмэгдүүлэх, замын хөдөлгөөний аюулгүй байдал, түгжрэлийг бууруулахад чиглэгдэж байна.

Мөн Нарны хорооллын орчимд шинэ гүүрэн гарцыг барьж дуусгасан бөгөөд энэ замаар өдөрт 3200 тээврийн хэрэгсэл дамжин өнгөрдөг ажээ. Гүүрэн байгууламжийн ажил нь замын хөдөлгөөний эрчмийг нэмэгдүүлэх, иргэдийг аюулгүйгээр зам хөндлөн гарах нөхцлийг бүрдүүлэх зэрэг олон давуу талтай болсон байна.