Өнөөдөр буюу 2024 оны 10-р сарын 9-ний өдөр Зүүн аймгуудын нутгаар цасан шуурга шуурах төлөвтэй байна. Цаг уур, орчны шинжилгээний газраас зүүн аймгуудын хойд хэсгээр нойтон цас орж, цасан шуурга шуурна гэж сэрэмжлүүлжээ. Салхи нутгийн зүүн хэсгээр баруун хойноос, бусад нутгаар баруунаас секундэд 7-12 метр хүрч ширүүсэх бөгөөд зарим нутгаар түр зуур секундэд 16-18 метр хүрч шороон шуурга шуурах магадлалтай байна.

Иргэдийг цаг агаарын нөхцөл байдалд анхааралтай байхыг, шаардлагагүй бол гадуур явахгүй байхыг анхааруулж байна. Цаг агаарын энэ таагүй нөхцөл байдлаас үүдэн зам тээврийн осол гарахаас сэргийлэх, малчид, тээвэрчид болон оршин суугчдыг анхаарал болгоомжтой байхыг зөвлөж байна.