Хан-Уул дүүргийн 21 дүгээр хороо, Буянт-Ухаа олон улсын нисэх буудлын үерийн хамгаалалтын далан дээгүүр Шүүх шинжилгээний ерөнхий газар руу нэвтрэх гүүрэн байгууламж барьж буй. Тодруулбал, хоёр байршилд тээврийн хэрэгсэл, нэг байршилд явган хүн нэвтрэх боломжтой нийт гурван гүүрэн байгууламж барьж байгаа юм. Ажлын явц 30 хувьтай үргэлжилж байна.
 Гүйцэтгэгчээр “Рэд копс” ХХК ажиллаж байна. Өнөөдрийн байдлаар газар шорооны ухмалын ажил дууссан. Мөн нэг гүүрний тулгуур суурилуулах, хоёр гүүрний ул бетон цутгах ажил үргэлжилж байна. Бид дөрөвдүгээр сарын 6-нд гэрээ хийн, ажлаа эхлүүлсэн бөгөөд график төлөвлөгөөний дагуу зургаадугаар сарын 15-нд хүлээлгэж өгөхөөр төлөвлөж байгаа юм байна.