Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв шатахуунтай холбоотой цаг үеийн асуудлаар мэдээлэл өгч байна. Энэ үеэр Б.Дашпүрэв "Өнөөдрийн байдлаар манай улсад АИ-92 төрлийн бүтээгдэхүүн 71 мянган тонн буюу 33 хоногийн ердийн хэрэглээний нөөцтэй байна. АИ-95 төрлийн бүтээгдэхүүн 395 мянган тонн буюу 44 хоногийн нөөцтэй байгаа бол дизель түлшний хувьд 27 хоногийн нөөцтэй байна. Тиймээс нийгэмд гараад байгаа ОХУ-тай холбоотой шатахууны хомсдол үүсэх, үнэ нэмэгдэх зэрэг ташаа мэдээлэл гарч байгаад залруулга өгч байна. Дотоодын аялал, жуулчлал нэмэгдэж байгаа ч гэсэн ердийн хэрэглээнд хомсдол нүүрлэх зүйл байхгүй" гэлээ.
