Туркийн зүүн өмнөд зүгт байрлах Кахраманмараш хотын дунд сургуульд буун дуу гарч халдлага үйлдсэнээс 9 хүн амиа алджээ. Туркийн дотоод хэргийн сайд Мустафа Чифтчийн мэдээлснээр Айсер Чалик дунд сургуульд энэ сургуулийн 8-р ангийн сурагч 13 настай хүү үе тэнгийнхэн рүүгээ галт зэвсгээр гал нээсэн байна. Түүний суманд 9 хүн амиа алдсаны 8 нь сургуулийн сурагчид, нэг нь багш байгаа юм. Түүнчлэн халдлагын улмаас 20-иод хүн шархадсан байна.
Цагдаа хүчнийхэн сургуулийн барилгад болсон халдлагын дагуу мөрдөн шалгах ажиллагаа явуулж эхлэн, 13 настай хүү ямар шалтгаанаар буун барин үе тэнгийнхэн рүүгээ халдсаныг тогтоохоор ажиллаж байна.