Монгол Улсын Зэвсэгт хүчин, Бүгд Найрамдах Хятад Ард Улсын Ардын чөлөөлөх армийн хамтарсан “Талын түнш-2026” байлдааны буудлагатай тактикийн хээрийн сургуулилтын үеэр Хятадын тал “робот чоно” оролцуулжээ. Хятадын төрийн мэдлийн CGTN агентлагийн мэдээлснээр бодит сургуулилтад нисгэгчгүй онгоц, зэвсэглэсэн “робот чоно” ашиглан тагнуул, довтолгоонд оролцож, хуягт машин, их бууны тусламжтайгаар дайсны хүчийг устгах дадлага хийсэн байна.
БНХАУ-ын нутаг дэвсгэрт анх удаа болсон “Талын түнш 2026” тактикийн хээрийн сургуулилтад хоёр улсын 600 гаруй офицер, цэргийн алба хаагч оролцжээ. Энэ удаагийн хамтарсан цэргийн сургуулилт хууль бус зэвсэгт бүлэглэлтэй хамтран тэмцэх үйл ажиллагааны сэдвийн хүрээнд зохион байгуулсан бөгөөд хоёр орны найрамдал, харилцан итгэлцлийг гүнзгийрүүлэх, бодит хамтын ажиллагааг өргөжүүлэх, бүс нутгийн энх тайван, тогтвортой байдлыг хамтран хамгаалах чадавхыг дээшлүүлэхэд чиглэсэн байна.
 
https://www.youtube.com/watch?v=3-MYPCRAmpA&t=41s