​Монгол Улсын Засгийн газраас “Ерөнхий боловсролын сургуулийн ачааллыг бууруулах талаар авах зарим арга хэмжээний тухай” тогтоолыг баталж, энэ хичээлийн жилээс нийслэлийн шинэ суурьшлын бүсэд “Хотхоны бага сургууль”, нийслэлийн гэр хорооллын бүсэд “Бага сургууль”-ийн үйл ажиллагааг эхлүүлнэ.

Иймд шинэ суурьшлын бүсийн бага сургууль, цэцэрлэгийн тоог нэгээр нэмэгдүүлж, нийслэлийн төсвийн хөрөнгө оруулалтаар Хан-Уул дүүргийн 12 дугаар хороонд 280 хүүхдийн ортой бага сургууль, цэцэрлэгийн барилгыг өнөөдөр ашиглалтад оруулж, улсын комисст хүлээлгэн өглөө.

Тус бага сургууль, цэцэрлэгийн барилга угсралтын ажлыг “Жавхланттур” ХХК гүйцэтгэсэн бөгөөд гадна тоглоомын талбай, ногоон байгууламж, спорт заал бүхий цогц бүтээн байгуулалт боллоо.