Энэ оны аравдугаар сарын 1–3-ны өдрүүдэд Япон улсын Айчи-Нагоя мужид зохион байгуулагдах “Айчи-Нагоя 2026” 20 дахь удаагийн Азийн зуны наадамд Монгол Улсаа төлөөлөн оролцох таеквондогийн үндэсний шигшээ багийн тамирчид, дасгалжуулагчид болон шүүгчдийн бүрэлдэхүүн эх орноосоо мордлоо.

“Айчи-Нагоя 2026” Азийн наадмын таеквондогийн тэмцээнд Монгол Улсыг төлөөлөн тулааны төрөлд дасгалжуулагч Хур Инёон, Э.Буяншагай нарын удирдлагад Ё.Пүрэвдаш, Г.Энхбаяр, Б.Учрал, Б.Мөнхжин, Г.Энхчимэг нар өрсөлдөнө.

Харин пүмсэ төрөлд дасгалжуулагч И Жаевоны удирдлага дор Л.Бадам оролцох юм. Түүнчлэн тус тэмцээний шүүгчдийн бүрэлдэхүүнд Монгол Улсаас олон улсын шүүгч Т.Уянга, Монгол Улсын гавьяат дасгалжуулагч Н.Эрдэнэбаатар нар ажиллаж, тэмцээний шүүлтийг хариуцна.