Украины ерөнхийлөгч Владимир Зеленский Саудын Арабт гэнэтийн айлчлал хийхээр хүрэлцэн ирлээ. Тэрээр айлчлалынхаа өмнө Ойрхи Дорнодын улс орнуудад хандан дроны халдлага дайралтаас сэргийлэх, жолоочгүй нисэх төхөөрөмжийн технологи, агаарын довтолгооноос хамгаалах, хариу цохилт хийх арга туршлагаасаа хуваалцахад бэлэн гэдгээ мэдэгдсэн байна.
Зеленский дайн тулаантай байгаа Ойрхи Дорнод, Персийн булангийн улс орнуудын орнуудтай харилцаагаа бэхжүүлэх зорилгоор бүс нутагт айлчилж байгаа юм.
В.Зеленскийн Саудын Арабт хийж байгаа айлчлалыг Украины Үндэсний Аюулгүй байдал, батлан хамгаалах зөвлөлийн тэргүүн Рустем Умеров дагалдан яваа гэнэ.