Монгол Улсаас Их Британи, Умард Ирландын Нэгдсэн Хаант Улсад суугаа Онц бөгөөд Бүрэн эрхт Элчин сайд Б.Мөнхжин 2026 оны аравдугаар сарын 22-нд Их Британийн хаан III Чарльзид итгэмжлэх жуух бичгээ өргөн барилаа.
Энэ үеэр Элчин сайд Б.Мөнхжин Монгол Улсын Ерөнхийлөгч У.Хүрэлсүхийн мэндчилгээг III Чарльз хаанд уламжилжээ.
Тэрбээр Монгол Улсын “гуравдагч хөрш”-ийн бодлогын чухал түнш болох Их Британи, Умард Ирландын Нэгдсэн Хаант Улстай ардчилал, хүний эрх, хууль дээдлэх ёс зэрэг нийтлэг үнэт зүйлд тулгуурлан харилцаа, хамтын ажиллагааг цаашид бэхжүүлэн хөгжүүлэхийн төлөө ажиллахаа илэрхийлсэн байна.
Харин III Чарльз хаан Монгол Улсын Ерөнхийлөгч У.Хүрэлсүхэд халуун дотно мэндчилгээ дэвшүүлж, Монголын ард түмэнд сайн сайхныг хүсжээ.