COUNTER-STRIKE:GLOBAL OFFENSIVE буюу бидний хэлж заншсанаар CSGO-н хаврын тэмцээн болох  FUNSPARK болон  5EPLAY нарын хамтран зохион  байгуулж буй FUNSPARK ASIA SEASON-1 тэмцээнд Монгол Улсыг төлөөлж  D13 , CHECKMATE , TEAM RENEWAL болон Монгол Улс төдийгүй дэлхийн хэмжээнд рейтэнг өндөртэй тамирчин erkaS /Эрдэнэцогт/-оор ахлуулсан  NG ESPORT гэх багууд тус тус амжилттай оролцож байна. Энэ тэмцээний шагналын сан нь 15.000$ юм.  Тэмцээн 2021.03.29-өөс 2021.04.11 хүртэл үргэлжлэх бөгөөд Ази тивийг төлөөлж нийт 16 баг өрсөлдөж байна.
Өнөөдөр Манай улсын  D13 баг маань Филиппин улсын TCG багтай хасагдах шатны эрхийн төлөө тоглох юм. Тоглолт Монголын цагаар 13:10 эхлэнэ.
Сүүлийн жилүүдэд манай улсад энэ төрлийн спорт эрчимтэй хөгжиж олон тэмцээн уралдаанд амжилттай оролцож байгаа. Хамгийн өндөр амжилт үзүүлсэн тэмцээн нь 2016 онд болсон IEM TAIPEI-2016 тэмцээн юм. Энэ тэмцээнд манай улсын MONGOLZ баг түрүүлж 30.000$-ын эзэн болж Азийн аварга гэх цолыг хүртсэн юм.