Төлбөрийн тэнцлийн урсгал данс 2020 оны эхний 5 сарын урьдчилсан гүйцэтгэлээр 869.4 сая америк долларын алдагдалтай гарч, алдагдал нь өмнөх оны мөн үеэс 378.0 (76.9%) сая америк доллароор өсжээ. Урсгал данс 869.4 сая америк долларын алдагдалтай гарахад үйлчилгээний худалдааны тэнцэл 568.9 сая америк доллар, анхдагч орлогын данс 260.0 сая америк долларын алдагдалтай гарсан нь голлон нөлөөлсөн байна.
Харин 2020 оны 5 дугаар сард урсгал данс 4.7 сая америк долларын ашигтай гарч, өмнөх сараас 209.8 сая америк доллароор өсжээ гэж Үндэсний статистикийн хорооноос мэдээллээ.
