Олон нийтийн зүгээс хүнсний дэлгүүрүүд болон худалдаа эрхэлж буй аж ахуй нэгжүүдийг 20.00 цагаас хаахыг эсэргүүцэж байгаагаа илэрхийлж, цагийг нь уртасгахыг хүсч буй.

Харин Хотын дарга Д.Сумъяабазар өмнөх хөл хорионы хугацаанд томоохон худалдааны төвүүд болон захын дэлгүүрүүд ч хүн хоорондын зай барихгүй, халдвар хамгааллын дэглэм барихгүй, илүү их эрсдэл дагуулсан. Тиймээс цаашид худалдаа эрхлэгч, хүнсний дэлгүүрүүдийг нээхдээ үе шаттайгаар нээж, хариуцлагатай, халдвар хамгааллын дэглэмээ сахиж байгаа аж ахуй нэгжүүдээ бид дэмжинэ. Ирэх 6-р сарын 1-ээс өмнө нийслэлийн иргэд вакцины II тундаа хамрагдах хүртэл хүнсний дэлгүүрүүд, худалдаа үйлчилгээний цагийг бодолцоно хэмээн мэдэгдсэн юм.